Moldovada prezident seçkilərinin ikinci turunda səsvermə başa çatıb.
APA xəbər verir ki, seçkilərin ikinci turunda respublikanın hazırkı Prezidenti Maya Sandu və ölkənin keçmiş baş prokuroru Aleksandr Stoyanoqlo mübarizə aparıb.
Bəzi Qərb ölkələrində səsvermə davam edəcək, çünki orada səsvermə yerli vaxta uyğunlaşdırılıb.
Respublika Mərkəzi Seçki Komissiyasının məlumatına görə, seçkilər yüksək seçici fəallığı ilə keçirilib.
Yerli vaxtlar saat 21:00-a olan məlumata görə, seçici fəallığı 54% (təxminən 1,6 milyon seçici) olub.
Respublika Mərkəzi Seçki Komissiyası səsvermə başa çatdıqdan bir neçə saat sonra ilkin nəticələri elan edir.
