Paytaxtın Azadlıq və Ziya Bünyadov prospektlərinin kəsişməsindəki yeraltı keçid qorxu tunelini xatırladır. AzPost xəbər verir ki, bu barədə sosial şəbəkələrdə məlumat yayılıb.
Fotodan görünür ki, yeraltı keçiddə işıqlandırma bərbad vəziyyətdədir. Piyada burdan keçmək üçün mütləq şəkildə fənərdən istifadə etməlidir. Xüsusilə günün qaranlıq saatlarında bura vahiməli bir məkana çevrilir.
Qeyd edək ki, adıçəkilən ərazi piyadaların vurulması ilə baş verən qəzaların olduğu nöqtələrdən biridir. Nəqliyyatın intensiv hərəkəti olan yolda piyada məcbur olub əks istiqamətə keçmək üçün qayda pozur. Çünki yeraltı keçid istifadə üçün olduqca çətindir.
Hər halda bu vəziyyət qayda pozmağa, özünü təhlükəyə atmağa haqq qazandırmır. Lakin vətəndaşın rahat hərəkətini təmin etmək aidiyyəti dövlət qurumunun vəzifəsidir. Əgər oranı işıqlandırmaq çətindirsə, o zaman giriş və çıxışda fanarlar qoymaq daha yaxşı olardı.
