ChatGPT
Süni intellekt sürəti və məlumat bazasının geniş olması ilə bir çox hallarda insanları üstələsə də, hələ də onun fəaliyyətində məhdudiyyətlər var.
Ölkə.Az xəbər verir ki, sosial şəbəkələrdə yayılan məlumatlarda süni intellektin gül şəkli çəkə bilmədiyi qeyd olunub.
Fərqli ölkələrdən olan insanlar öz dillərində ChatGPT-dən gül şəkli çəkməyi istəsə də, süni intellekt bu xahişi yerinə yetirə bilmir. Səbəbini soruşduqda isə bunun məzmun siyasətinə uyğun olmadığı bildirilir. O özü də bu problemi “yanlışlıq” kimi qiymətləndirir:
“Bağışla, amma mən gül şəklini yarada bilmədim, çünki bu sorğu bizim məzmun siyasətimizə uyğun gəlmədi.
Mənim yaratdığım şəkillər müəyyən məzmun siyasətinə uyğun olmalıdır. Sənin sorğunda konkret olaraq nə problem olduğunu dəqiq bilmirəm, amma bəzən müəyyən açar sözlər və ya təriflər avtomatik olaraq məhdudiyyətə düşə bilər.
Bu bir az qəribə görünə bilər. Əslində, mənim sistemim bəzən müəyyən açar sözləri və ya təsvirləri yanlışlıqla məzmun siyasətinə uyğun olmayan kimi qəbul edə bilər. Bu tam olaraq niyə baş verdiyini bilmirəm, amma belə hallar nadirən də olsa baş verə bilər”.
Daha bir maraqlı məqam isə ChatGPT-nin dolu qədəh fotosu çəkə bilməməsidir.
Kiçik bir araşdırma apardıqda məlum olur ki, bu, internet məlumatlarının əksəriyyətində qədəh fotolarının tam dolu olmaması ilə bağlıdır:
“Cavab AI-nin necə öyrənməsindədir. Süni intellekt təsəvvür edə bilmir. O, milyardlarla təsvirdən nümunələr çıxarır və statistik cəhətdən ehtimal olunan bir şeyi yenidən qurur. Təlim məlumatlarında ən çox şərab şüşələrinin üçdə ikisi doludursa, bu, reallığa çevrilir”.
Buradan belə qənaətə gəkmək olar ki, süni intellekt öz təsəvvürü olmadığı üçün heç vaxt tam mənada insanı əvəz edə bilməz. O, etiraf edir ki, yaradıcılıq, sənət, emosional zəka və empatiya tələb edən işlərdə heç vaxt insanın yerini tuta bilməyəcək.
