Yaponiyada 47 ilk günahsız yerə məhkumluq həyatı yaşayan şəxsə rekord məbləğdə təzminat ödənəcək.
Ölkə.Az xarici KİV-ə istinadla xəbər verir ki, 1966-cı ildə müdiri və ailəsi də daxil olmaqla 4 nəfəri öldürdüyünə görə Yaponiyada həbs edilən Hakamata İvao (89) edam cəzasına məhkum edilib.
47 il həbsxanada edam ediləcəyi günü gözləyən İvaonun işinə 2014-cü ildə yenidən baxılmağa başlanıb.
2024-cü ildə bəraət alan ivaoya 1,4 milyon dollar (2.2 milyon manat) təzminat ödənilməsinə qərar verib.
Bu rəqəm Yaponiyada cinayət işlərində indiyə qədər ödənilmiş ən yüksək təzminatdır.
Qeyd edək ki, başqasının cinayətinə görə 56 il edamını gözləyən 88 yaşlı yapon vətəndaş hökumətdən 217 milyon yen, başqa sözlə desək, 2 milyon 390 min manat məbləğində kompensasiya tələb edib. Keçmiş peşəkar boksçu İvao Hakamata 1966-cı ildə rəisinin, onun həyat yoldaşının və iki uşağının ölümündə təqsirli bilinib.
Sonradan İ.Hakamata günahını etiraf edib və 46 il ölüm kamerasında qalıb. 2014-cü ildə DNT analizi onun günahsız olduğunu və cinayətin başqa şəxs tərəfindən törədildiyini göstərib və o, azadlığa buraxılıb. Lakin bir müddət sonra məhkəmə bu qərarı ləğv edib. Ardınca İ.Hakamata 10 il ərzində tam bəraət üçün mübarizə aparan bacısının himayəsində yaşayıb.
2024-cü ildə məlum olub ki, ona qarşı ittiham müstəntiqlər tərəfindən saxta şəkildə hazırlanıb və o, təzyiq altında etiraf edib. Lakin kişi bununla barışmaq istəmir. Çünki o, həbsdə olduğu illər ərzində inkişaf edən ağır psixi pozuntudan da əziyyət çəkir. Bu səbəbdən onun vəkili milyonlarla kompensasiya üçün iddia qaldırıb.
