Ötən il Azərbaycanda adambaşına düşən aylıq istehlak xərci 363 manat 52 qəpik olub.
AzPost –un məlumatına görə, Yeniavaz.com açıqlanan sonuncu rəsmi statistikaya istinadən xəbər verir ki, istehlak xərclərinin 43,5%-i və ya 158 manat 11 qəpiyi qida məhsullarının alınmasına sərf olunub.
Məlumat üçün bildirək ki, əvvəlki illə müqayisədə əhalinin qida məhsullarına xərclədiyi aylıq vəsait 2,2% artıb.
Qeyd edək ki, qida məhsullarından sonra əhali ən çox kommunal xidmətlərə (su, işıq, qaz və digər yanacaq növlərinə) pul xərcləyib. Ay ərzində kommunal xidmətlərə adambaşına 28 manat 69 qəpik pul xərclənib və bu da ümumi xərclərin 7,9%-nə bərabər olub.
Əhalinin adambaşına düşən aylıq xərcləri aşağıdakı kimi olub:
– Qida məhsullarına – 158,11 manat (43,5%);
– Su, işıq, qaz və digər yanacaq növlərinə – 28,69 manat (7,9%);
– Ev əşyaları, məişət texnikası və evə gündəlik qulluğa – 27,62 manat (7,6%);
– Mehmanxana, kafe və restoran xidmətlərinə – 25,55 manat (7%);
– Nəqliyyat xidmətlərinə – 24,35 manat (6,7%);
– Paltar və ayaqqabıya – 21,17 manat (5,8%);
– Digər mal və xidmətlərə – 19 manat (5,3%);
– Səhiyyə xidmətlərinə – 19 manat (5,2%);
– İstirahət və mədəniyyət xidmətlərinə – 14,69 manat (4%);
– Rabitə xidmətlərinə – 12,31 manat (3,4%);
– Tütün məmulatlarına – 7,01 manat (1,9%);
– Təhsil xərclərinə – 6,02 manat (1,7%);
– Alkoqollu içkilərə – 2,04 manat (0,6%).
