Orfield Lab
Minnesota Universitetində yerləşən və “Orfield Lab” adlanan xüsusi otaq, rəsmi olaraq dünyanın ən səssiz məkanı kimi tanınır. AzPost bildirir ki, burada səs səviyyəsi -9 desibelə qədər düşür, yəni insanın öz ürək döyüntüsünü, qan axınını və hətta oynaq səsələrini belə eşitməsi mümkündür.
İlk baxışdan bu mükəmməl bir rahatlıq effekti yaradır, amma reallıq fərqlidir. Otaqda cəmi 30 dəqiqədən artıq qalan insanların böyük əksəriyyəti halüsinasiyalar görür, təzyiq problemi yaşayır və panikaya düşür. Bəzi test iştirakçıları beyinlərinin “səs axtarmağa çalışdığını”, tapa bilmədikdə isə psixoloji stress yaşadığını deyib.
Otaq o qədər izolyasiya olunub ki, hətta döşəmə də asılıb – yəni səs heç bir səthdən əks olunmur. Bu fenomen psixoloji elmlərdə “sensor deprivasiyası” adlanır.
Bu otaqda testlər edənlər üçün xüsusi məşq proqramları tərtib olunur. Bir çox texnologiya şirkətləri bu laboratoriyanı səsiz cihazlar sınaqdan keçirmək üçün icarəyə götürür. Ən uzun qalan insan isə yalnız 55 dəqiqə dayana bilib. Səssizlik düşündüyümüz qədər sakit olmaya da bilər…
