“Əbu-Dabidə keçirilən görüş onu göstərir ki, qeyri-müəyyənlik və bir neçə paralel qlobal münaqişələr şəraitində Ermənistan və Azərbaycan liderləri vasitəçi olmadan birbaşa əlaqə saxlayırlar“.
AzPost bildirir ki, bu sözləri Ermənistan prezidenti Levon Ter-Petrosyanın sabiq müşaviri, 90-cı illərdə sülh danışıqlarında iştirak etmiş Jirayr Liparityan BBC-nin Rus xidmətinə müsahibəsində bildirib.
O qeyd edib ki hazırda qeyri-müəyyənlik müasir beynəlxalq münasibətlərin əsas fərqləndirici xüsusiyyətidir: “Bəzi insanlar gözlənilməzliyin və xaosun yaradıcı ola biləcəyinə inansalar da, regionumuzda çox uzun müddətdir ki, xaos hökm sürür və bu, bizə yaxşı heç nə gətirməyib”, – deyə o qeyd edib.
Bakının Ermənistan Konstitusiyasının dəyişdirilməsi tələbindən danışan Liparityan qeyd edib ki, “konstitusiya məsələsi hansısa aralıq razılaşma ilə həll oluna bilər.
