Alman və italyan tədqiqatçılarından ibarət bir qrup yeni araşdırma nəticəsində qədim insanların təxminən 50 min il əvvəl oddan fəal istifadə etməyə başladığını müəyyən ediblər.
AzPost bildirir ki, müəlliflər işlərinin nəticələrini “Nature Human Behaviour” elmi jurnalında paylaşıblar.
Onlar İtaliyanın cənubundakı Apuliyadakı Santa Katerina mağarasının arxeoloji materiallarının tədqiqi zamanı oxşar nəticələr çıxara biliblər.
Mağarada arxeoloqlar od quyuları, daş alətlər və kömürə dönmüş sümüklər tapdılar. “Planet Today” xəbər verir ki, radiokarbon analizindən istifadə edərək alimlər qədim düşərgənin yaşını müəyyən ediblər. Bu, 45-50 min il əvvəlki dövrdür. Bu o deməkdir ki, bu bölgədəki neandertallar və erkən Homo sapienslər o dövrdə oddan istifadəni davam etdirə bilmişlər.
Bir sıra ekspertlər əcdadlarımızın daha əvvəl -təxminən 400 min il əvvəl oddan istifadə təcrübəsi olduğunu irəli sürürlər: Bununla belə, yeni araşdırmalar göstərir ki, o dövrlərdə yanğın izləri çox güman ki, insan fəaliyyətinin nəticəsi deyil, təbii yanğınlardan qalıb.
Bu nəticəyə təbii yanğınları insan fəaliyyəti ilə əlaqəli olanlardan ayırmağa imkan verən yeni üsullardan istifadə etməklə nail olunub.
Odla məşğul olmaq bəşəriyyətin inkişafında mühüm yeni mərhələ olub. İnsanlara yemək bişirməyə, isinməyə kömək edib. Od evlər üçün təbii işıqlandırma və yırtıcılardan qorunma vasitəsi mühüm xidmət edib.
