Birləşmiş Krallıq, Norveç və Ukrayna Aİ-nin ABŞ-da yerləşən Starlink-ə alternativ olması nəzərdə tutulan IRIS2 təhlükəsiz peyk şəbəkəsinə qoşula bilər.
Bu barədə Euractiv portalına Avropanın müdafiə məsələləri üzrə komissarı Andrius Kubilius məlumat verib.
O, Aİ-yə daxil olmayan ölkələrin Avropa proqramına qoşulma ehtimalı ilə bağlı suala cavabında “Mən buna qarşı olmazdım” cavabını verib. Portal qeyd edir ki, Norveç Avropa Komissiyası ilə bu mövzuda danışıqların başa çatdığını elan edən İslandiyanın ardınca artıq şəbəkəyə qoşulmaq barədə müzakirələrə başlayıb.
Hələlik London və Kiyevdən rəsmi təklif olmayıb.
IRIS2 proqramı, digər məsələlərlə yanaşı, amerikalı sahibkar İlon Maskın SpaceX şirkəti ilə rəqabət aparmağa yönəlib. Euractiv xatırladır ki, Ukrayna silahlı qarşıdurma zamanı Amerika şirkətinin telekommunikasiya xidmətlərinə çox güvənmişdi. Bu da “Avropada Starlink-in kosmik telekommunikasiya bazarında dominantlıq səviyyəsi ilə bağlı narahatlığı artırıb.
IRIS2-nin 2030-cu ildən sonra istismara verilməsi planlaşdırılır. 10,6 milyard avro dəyərində olan proqrama təxminən 280 peyk daxil olacaq.
