Zirehli
ABŞ prezidenti Donald Tramp qolf oynayarkən təhlükəsizliyini təmin etmək üçün xüsusi hazırlanmış zirehli nəqliyyat vasitəsindən istifadə etməyə başlayıb.
AzPost xəbər verir ki, siyasətçi Şotlandiyada qolf oynayarkən onunla birlikdə qara rəngli Polaris Ranger XP tipli zirehli nəqliyyat vasitəsi müşahidə edilib. Jurnalistlərin məlumatına görə, bu avtomobilin ön və yan şüşələri, qapıları və arxa hissəsi gücləndirilmiş zirehlə təchiz olunub.
Ekspertlər bildirirlər ki, bu cür modifikasiya olunmuş vəzdekeşli avtomobilin dəyəri təxminən 3,5 milyon rubl təşkil edir. Zirehli qolf avtomobilindən istifadə qərarı Trampa qarşı artan təhdidlər fonunda verilib. Xatırladaq ki, 2024-cü ilin sentyabrında 59 yaşlı Rayen Raut adlı şəxs Floridada Trampa qarşı sui-qəsd cəhdi etmişdi. O, qolf meydançasında siyasətçiyə yaxınlaşaraq mühafizəçilərə tüfəng tuşlamış, daha sonra isə hadisə yerindən qaçaraq bir kolun arxasında AK-47 avtomatı, optik nişangah və əlavə ləvazimatlar buraxmışdı.
Bu insidentdən sonra Trampın təhlükəsizlik komandası təhlükəsizlik tədbirlərini əhəmiyyətli dərəcədə gücləndirib. Artıq siyasətçini qolf meydanında müşayiət edən nəqliyyat vasitəsi onun mümkün hücumlardan qorunmasını təmin etmək məqsədi daşıyır.
