Qazaxıstan prezidenti Kasım-Jomart Tokayev Ümumdünya Taekvondo Federasiyasının prezidenti Çunqvon Çounun ona doqquzuncu dan qara kəməri verməsindən sonra lövhəni sındırıb.
AzPost bildirir ki, videonu Qazaxıstan liderinin mətbuat xidməti yayıb.
“Prezident taxta məşq lövhəsində öz imzasını qoyub, daha sonra Çunqvon Çovun xahişi ilə taekvondo ənənələrinə uyğun olaraq lövhəni sındırıb”, – mətbuat xidməti yazıb.
Yayımlanan videoda Tokayev avtoqrafı olan lövhəyə yumruq vuraraq onu sındırıb. Bunu oradakılar alqışlarla qarşılayıb.
Doqquzuncu dan qara kəmər taekvondoda ən yüksək dərəcədir.
Tokayevin rəsmi tərcümeyi-halında onun nə vaxtsa taekvondo ilə məşğul olub-olmadığı göstərilmir. Amma Qazaxıstan mediası vaxtaşırı 72 yaşlı liderin uşaqlıqdan sevdiyi və bu idman növü üzrə SSRİ idman ustalığına namizəd olan stolüstü tennislə məşğul olmasının videolarını dərc edir. Daha sonra Tokayev hətta Qazaxıstan Stolüstü Tennis Federasiyasının prezidenti oldu. İndi də ölkə daxilində və xaricə səfərləri zamanı vaxtaşırı gənc idmançılarla oynayır. Tokayevin türkiyəli həmkarı Tayyib Ərdoğanla oynadığı video yayımlanıb.
