Böyük Britaniyadan olan Milli Evans illər boyu həyatını zəhərləyən xroniki stresslə mübarizədə yalnız bir üsulun effektiv olduğunu müəyyən edib. AzPost xəbər verir ki, bu barədə Daily Mirror məlumat yayıb.
Evans bildirib ki, davamlı gərginlik onun sağlamlığına ciddi təsir edib və xroniki xəstəliklər səbəbindən tez-tez işdən xəstəlik izni götürmək məcburiyyətində qalıb. Müxtəlif üsullar sınamasına baxmayaraq, stressi azaltmaq üçün yalnız multitasking-dən imtina etmək kömək edib.
O qeyd edib ki, müasir dünyada insanlar hər şeyi optimallaşdırmaq istəyir, amma çox işi eyni anda görmək beyinə zərər verir. Evans tövsiyə edir ki, xüsusilə istirahət zamanı işləri birləşdirməkdən qaçmaq lazımdır. Məsələn, televizor izləyərkən eyni zamanda sosial şəbəkələri yoxlamaq doğru deyil.
Evansın sözlərinə görə, bu üsul istirahəti tam dəyərli edir, əlavə gərginliyi azaldır və həmçinin sosial şəbəkələr və işlə bağlı narahatlıqlardan doğan stressi minimuma endirir.
