3 sentyabr 2025-ci il tarixində AR Ədliyyə Nazirliyinin Ədliyyə Akademiyasında mediatorlara Azərbaycan Respublikasının Qeyri-Hökumət təşkilatlarına Dövlət Dəstəyi Agentliyinin maliyyə dəstəyi ilə Gənc Hüquqşünaslar İctimai Birliyinin həyata keçirdiyi layihə çərçivəsində çap Azərbaycan dilinə tərcümə edilərək çap olunmuş “Süni İntellekt və Hüquq” kitabının təqdimat mərasimi keçirilib.
Tədbirdə kitabın müəallifi Türkiyənin Medipol Universitetinin professoru Prof.dr.Ergin Ergül, Ədliyyə Akademiyasının prorektoru Elçin Xələfov, Mediasiya Şurasının İdarə Heyətinin sədri Nadir Adilov, həmçinin mediatorlar iştirak edib.
Çıxış edən Ədliyyə Akademiyasının prorektoru Elçin Xələfov və Mediasiya Şurası İdarə Heyətinin sədri Nadir Adilov mediatorların peşəkar inkişafının və müasir yanaşmaların tətbiqinin hüquq sistemində əhəmiyyətini vurğulayıb.
Tədbir zamanı həmçinin Ankara Medipol Universitetinin professoru Dr. Ergin Ergül tərəfindən yazılmış “Süni İntellekt və Hüquq” kitabı haqqında geniş məlumat verilib. Müəllif çıxışında kitabın yazılma məqsədi, süni intellektin hüquq sisteminə təsiri və gələcək inkişaf perspektivləri barədə iştirakçılarla öz fikirlərini bölüşüb.
Kitabda ön sözün müəllifi Azərbaycan Respublikasının İnsan Hüquqları üzrə Müvəkkili (Ombudsman) Səbinə xanım Əliyevadır.
Rəqəmsal əsrdə süni intellekt və hüququn qarşılıqlı əlaqəsinə baxışı hədəfləyən kitabın rəyçiləri hüquq elmləri doktoru, professor Ceyhun Qaracayev və Azərbaycan Respublikasının İnsan Hüquqları üzrə Müvəkkili (Ombudsmanın) Aparatının rəhbəri Aydın Səfixanlı, Bakı Dövlət Universitetinin Hüquq fakültəsinin dekanı, hüquq üzrə fəlsəfə doktoru Zaur Əliyev və Mediasiya Şurasının İdarə Heyətinin sədri, hüquq üzrə fəlsəfə doktoru Nadir Adilovdur.
Tədbirin sonunda iştirak edən hər bir mediatora kitab ödənişsiz olaraq təqdim olunub.
