“Dünyaya baxanda təəccüblənməyə bilmirsən!”
Məşhur aforizmdə belə deyilir. Bəzən qidaların qiyməti bizi tamamilə heyrətə sala bilər: insanlar yemək üçün bu qədər pul nə üçün ödəyir? Buna dəyərmi?
AzPost dünyanın ən bahalı bəzi yeməklərini və qiymətini oxucularına təqdim edir.
Dəniz ördəkləri. Bu qidanın hər kq təxminən 300 dollardır.
Dəniz ördəkləri mollyuskalar adlansa da, xərçəngkimilərdir. Təbiətdə onlar qayalara möhkəm yapışır və iti bıçaqla yalnız əl ilə çıxarıla bilərlər. Bu məhsulu əldə etmək ölümcül təhlükə saçır: yaş mamır və yosunlarla örtülmüş iti qayaların üzərində sürüşüb düşə bilərsiniz. Ördəklərin solğun çəhrayı əti çox dadlı olur. Onlar buxarda bişirilir və ya çiy halda yeyilir.
Siz sadəcə qabığa bənzər hissəni qoparırsınız və daxili əti çıxacaq. Dəniz ördəklərinin dadı bir qədər mollyusklar kimidir, lakin onlar çox çeynəməyə ehtiyac yoxdur. Onların suyu az duzludur. Əslində, onların çox təmiz okean ləzzəti var.
Kona Nigari Suyu. Bu suyun 1 litri 533 dollardır.
“Kona Nigari” suyu bər-bəzəksiz şüşələrdə satılır.Onun unikallığı qablaşdırmada deyil, mayenin mənbəyindədir: Su Havay sahillərindən təxminən 900 metr dərinlikdə aşkar edilmiş mineral bulaqdan götürülür. Tədqiqatlar göstərir ki, “Kona Nigari”nin unikal elektrolit və mineral tərkibi nəmlənməni tez bir zamanda bərpa edir və performansını artırır.
Pule Pendiri. Bu pendirin kq-I üçün 1000 dollar təklif olunur.
Pule pendirinin dadının əzilmiş feta ilə çox oxşar olduğu və eyni zamanda çox sağlam olduğu deyilir. Bununla belə, onu bu qədər bahalı edən bu deyil; Pule pendirinin son dərəcə məhdud əlçatanlığıdır. Pule nəsli kəsilməkdə olan Balkan eşşəklərinin südündən istehsal olunur. Bundan başqa bu pendir yer üzündə yalnız bir yerdə istehsal olunur: Serbiyanın Zasavica Təbiət Qoruğunda… Dünyada qalan bütün Balkan eşşəkləri burada yaşayır. Sürü təxminən 100 heyvandan ibarətdir. Hər biri əl ilə sağılır və bir dəfəyə təxminən 300 ml süd verir. Bu ləzzətdən 1 kq istehsal etmək üçün 25 litr süd lazımdır. Pendir yalnız əvvəlcədən sifarişlə əldə edilə bilər.
Pəri Balı. Bu balın kiloqramı 7000 dollardan başlanır.
Sehrli və ya pəri adı ilə tanınan bu bal Türkiyədə, Sarıcayır dağındakı mağaranın divarlarından yığıldığına görə son dərəcə bahalıdır. Bu balı əldə etmək üçün peşəkar alpinistlərin köməyi tələb olunur. Çünki arı pətəkləri çox hündürdə yerləşir. Hər il 20 kq-dan çox məhsul yığılmır, bu hava şəraitindən asılı olaraq dəyişir.
Quş yuvaları yeməyi. Bu yemək 1 kq-ı 10.000 dollara başa gəlir.
Yeməli quş yuvaları Çin mətbəxində 400 ildən çoxdur istifadə olunur. Onların sağlamlıq üçün son dərəcə faydalı olduğuna inanırlar. Çünki bərkimiş quş tüpürcəyi dəmir, kalsium, maqnezium və kaliumla zəngindir. Ən bahalı yuvalar tünd qırmızı rəngdədir və yalnız azot buxarı ilə zəngin mağaralarda tapıla bilər. Qurudulmuş yuvalar suda isladılıb buxarlandıqda qismən həll olur və jelatinləşir.
Qurmanların fikrincə, hansısa heyrətamiz və ya xüsusi ləzzət gözləsələr də, əslində bulyonu udana qədər dadsız olurlar.
“Roma rubini” üzümü. Bu üzümün 1 kq-ı 13 300 dollardır.
“Roma Rubini” satışdan əvvəl ən ciddi seçimdən keçən üzüm çeşididir. Yalnız çəkisi ən azı 700 q, hər giləmeyvə ən azı 20 q və tərkibində 18%-dən çox şəkər olan dəstələr bu qiymətə satılır.
“Almas” Beluga ağbalıq kürüsü. Bu kürünün 1 kq-ı 25 000 dollardan başlanır.
Xəzər dənizinin cənubundakı balıqdan alınan bu bu kürü həqiqətən qızılı rəngdədir. Bu, təkcə qiymətində deyil, həm də kürü yumurtacıqlarının rəngindədir: Onlar parlaq, şəffaf mirvarilərə bənzəyirlər. Bu növ kürü albinos beluga nərə balıqları tərəfindən istehsal olunur. Onlar standart növlərindən fərqli olaraq 20 yaşında deyil, 60-100 yaşında yetkinləşirlər. Bu balıqlardan çox az hissəsi vəhşi təbiətdə qalır. Delikatesin ləzzəti zərif, yağlı, incə qoz tamına malikdir.
Kürünün qiymətini təkcə dadı deyil, həm də qoxusu müəyyən edir. İdeal olaraq, o, dənizə bənzər, duzlu, mürəkkəb minerallığa malikdir. Damağınızı keçici qoz dadı ilə doldurur. Bundan başqa yaxşı kürü dildə yumşaq, partlayan kiçik toplardan ibarətdir.
AzPost
