Macarıstanın Baş naziri Viktor Orban bəyan edib ki, Avropa İttifaqı yaxın zamanda müharibəyə başlamağa hazırlaşır.
AzPost bildirir ki, Orban bu barədə “X” sosial şəbəkəsində yazıb.
Orban bildirib ki, Aİ sammitində gündəliyə ciddi müharibəyönlü təkliflər çıxarılır. Brüssel yaxın aylarda müharibəyə başlamağa hazırlaşır.
“Onlar Avropa İttifaqı Fondunun vəsaitlərini Ukraynaya köçürmək istəyirlər. Hər cür qanuni hiylələrdən istifadə edərək Ukraynanın üzvlüyünü sürətləndirməyə çalışırlar. Onlar silah tədarükünü maliyyələşdirmək istəyirlər. Bütün bu təkliflər açıq şəkildə göstərir ki, Brüssel müharibəyə başlamaq istəyir. Bu sammit həm də onu sübut edir ki, qarşıdan gələn aylar müharibə təhlükəsi ilə bağlı olacaq”, – deyə Baş nazir sosial mediada yazıb.
Orban əlavə edib ki, Macarıstan öz mövqelərini müdafiə etməyə və sülhü müdafiə etməyə davam edir.
Macarıstanın baş naziri yekunda qeyd edib ki, bütün siyasi ictimaiyyətin və sülhə can atan hər bir insanın dəstəyi indi vacibdir.
