Polşanın Şventoxloviçe şəhərində valideynlər qızlarını 27 il öz mənzillərində əsir saxlayıblar.
AzPost bildirir ki, bu barədə Polşanın RMF24 radiosu məlumat yayıb.
Məlumatda bildirilir ki, 42 yaşlı Mirella kiçik otaqda valideynləri tərəfindən tam qapalı şəkildə saxlanılıb. Qonşular qızın gənc olan zaman yoxa çıxdığına əmin idilər. Valideynləri onun itməsi ilə bağlı müxtəlif versiyalar irəli sürüblər.
Vəziyyət yalnız hüquq-mühafizə orqanlarının məişət münaqişəsi ilə bağlı qonşuların zənginə cavab verdikdən sonra üzə çıxıb. Gələn məmurlar Mirellanı yorğun və çaşqın vəziyyətdə tapıblar.
Evdən çıxandan sonra Mirella xəstəxanaya yerləşdirilib, həkimlər onun bərpası üçün iki ay çalışıblar. Hazırda bir qrup könüllü ona kömək edir.
