valyuta
Rusiyanın Avropadakı dondurulmuş bank hesabları Ukraynaya köçürülə bilər.
AzPost bildirir ki, bu barədə Politico nəşri yazıb.
Məlumatda deyilir ki, hazırda Avropa İttifaqının səlahiyyətliləri Rusiya Mərkəzi Bankının dondurulmuş aktivlərindən istifadə etməklə Kiyevə faizsiz çox milyardlıq dollar kreditin verilməsini müzakirə edirlər.
Bununla belə, rusların şəxsi bank hesablarında olan təxminən 25 milyard avro da bu məqsədlə istifadə oluna bilər,
Nəşr Avropa Komissiyasının “təzminat krediti təşəbbüsünün Aİ daxilində dondurulmuş digər aktivlərə genişləndirilməsi imkanlarının nəzərdən keçirilməsinə” çağıran sənədinə istinad edib.
Keçən həftə AK prezidenti Ursula fon der Leyen bəyan etdi ki, yalnız Rusiya müharibəyə dəymiş ziyana görə təzminat ödəməyə razı olarsa Ukrayna bu kreditləri qaytarmalıdır. Rusiya aktivlərinin istifadəsi ilə bağlı yekun qərar hələ qəbul edilməyib.
