Rusiya prezidenti Vladimir Putin Amerikanın “Tomaqavk” raketlərinin Ukraynaya tədarükü ilə bağlı Vladimir Zelenskini üstələyə bilib.
AzPost-un məlumatına görə, bu barədə britaniyalı hərbi ekspert Maykl Klark bəyan edib. O, bu barədə Sky News telekanalında məlumat verib.
Klark xatırladıb ki, Zelenski Vaşinqtona uzaqmənzilli raketlərin ötürülməsi ilə bağlı danışıqlar aparmaq ümidi ilə gəlib, lakin Putinlə ABŞ prezidenti Donald Tramp arasında telefon danışığı hər şeyi dəyişib.
“Putin Trampla zəng təşkil etməklə və danışıqların fokusunu tamamilə dəyişdirməklə Zelenskini üstələyib. Onlar hər dəfə danışanda Putin vəziyyətə nəzarət edir”, – deyə ekspert iddia edib.
Onun sözlərinə görə, Tramp “Tomaqavk” raketlərinin tədarükü ilə bağlı qərarını Rusiya lideri ilə şəxsi görüşə qədər təxirə salıb. Klark həmçinin qeyd edib ki, onların təkrar təmasları zamanı Tramp heç vaxt Putini istəmədiyi bir şeyi etməyə razı sala bilməyib.
“Hər bir halda Tramp Putinin xətti ilə gedir. Əsasən, o, bu zənglərdən sonra Putinin ona dediyini edir” -deyə Klark yekunlaşdırıb.
