Azercell Telekom
Azercell abunəçisi Balarza Aydəmirov operatorun xidmətindən narazılığını bildirib. O, AzPost.az-a müraciət edərək balans artırmaq istəyərkən yaşadığı problemi diqqətə çatdırıb.
Şikayətçinin sözlərinə görə, o, mobil tətbiq və ya USSD vasitəsilə başqa nömrənin balansını artırmaq istəyib. Lakin artırmaq istədiyi nömrələrin faktura nömrəsi olduğu barədə bildiriş alıb və sorğu imtina edilib. Nəticədə göndərdiyi məbləğ balansına geri qaytarılıb.
Buna baxmayaraq, sistem tərəfindən 2 manat sorğu haqqı tutulub.
Balarza Aydəmirov yaranmış vəziyyətdən narazıdır və bildirir:
“Balans artırılmadısa və pul geri qayıdıbsə, sorğu haqqı niyə tutulur? Xidmət göstərilməyibsə, abunəçidən xidmət haqqı almaq düzgün deyil. Kontur getsə, bəlkə başa düşülərdi. Amma indi həm artırma baş tutmadı, həm də balansımdan 2 manat silindi.”
Şikayətçi Azercell-dən məsələyə rəsmi izahat verilməsini və tutulan məbləğin geri qaytarılmasını tələb edir.
Azercell tərəfindən açıqlama təqdim olunarsa, şirkətin mövqeyinə də yer veriləcək.
