Bollivud ulduzu Şahrux Xan bu dəfə 1 milyon dollardan çox dəyərində olan bahalı saatı sayəsində yenidən diqqət mərkəzinə gəlib.
AzPost bildirir ki, aktyor Səudiyyə Ərəbistanının Ər-Riyad şəhərində keçirilən Joy Awards 2026 mərasimində təkcə cazibəsi ilə deyil, həm də biləyində taxdığı ultra bahalı saatı ilə diqqət çəkib və dərhal internetdə müzakirə mövzusuna çevrilib.
Bütün diqqətlər nadir Rolex Cosmograph Daytona “Blue Sapphire” saatına yönəlib. Bu, dəyəri 1,5 milyon dollardan çox olan eksklüziv saat hesab edilir.
Bu model adi mağazalarda satılmır. Yalnız Rolex VIP müştəriləri üçün mövcuddur və dünyada bu cür saatların sayı inanılmaz dərəcədə məhduddur. Saat 18 karatlıq ağ qızıldan hazırlanıb, çərçivədə 54 brilyant və 36 sapfir ilə bəzədilib. İşığa görə rəngini dəyişən gümüşü obsidian siferblatı var.
Şahrux Xan bu modeli ilk dəfə taxması deyil – o, əvvəllər onu Dubayda Yeni il şənliklərində qoluna taxıb.
