İsveçrənin Qərb və Şərq Demokratiya, İnkişaf və Dialoq Akademiyası Senatının yekdil qərarına əsasən, “Azturk Holding”in prezidenti Güləli Bağırov fəxri doktor adına layiq görülüb.
Güləli Bağırov yeni iqtisadi model, idarəetmə fəlsəfəsi və dünyagörüşünə əsaslanan “NeoOrdo” konsepsiyasının yaradılması və rəhbərliyi, eləcə də Xəzər regionunu maliyyə, texnologiya, logistika və innovasiya sahələrində qlobal mərkəzə çevirmək missiyasına verdiyi töhfələrə görə bu ali ada layiq görülüb.
Bildirilir ki, Qlobal SCC Dünya Toxumları Təşəbbüsü çərçivəsində həyata keçirilən ilhamverici tərəfdaşlıq Avrasiya məkanında yerli proqramlar vasitəsilə qlobal iqlim dəyişikliyi ilə mübarizəyə töhfə verir. Xəzər hövzəsində genişmiqyaslı ekoloji vəkillik və ekoloji maarifləndirmə fəaliyyətləri sayəsində biomüxtəlifliyin qorunması və dayanıqlı dəniz ekosistemlərinin inkişafına töhfə, həmçinin BMT-nin Dayanıqlı İnkişaf Məqsədləri və Paris İqlim Sazişi çərçivəsində götürülmüş öhdəliklər Avrasiya boyunca yaşıl renessansın, dairəvi iqtisadiyyatın və iqlimə davamlı inkişaf konsepsiyasının təşviqinə xidmət edir. Məhz bu amillər fəxri adın verilməsini şərtləndirib.
Akademiyanın açıqlamasında deyilir:
“Bu titul şəxsi nailiyyətdən daha artıq məna daşıyır və daha geniş miqyasda təbiət, canlılar və insanlıq arasında harmoniyanın bərpası missiyasını davam etdirmək kimi mühüm bir məsuliyyəti üzərinizə qoyur. Bu fəxri ad ekologiya, təbiət elmləri və dayanıqlı inkişaf sahəsində irəli sürdüyünüz idealların qlobal səviyyədə tanınmasının göstəricisidir”.
