ABŞ Prezidenti Donald Trampın administrasiyası Qəzzada atəşkəslə bağlı yaradılmış Sülh Şurası üçün qərargah açır.
AzPost-un məlumatına görə, bu barədə Associated Press mənbələrə istinadən xəbər verir.
“Yeni dünya düzəni”nin mesajı sayılan Sülh Şurasının qərargahını Vaşinqtonda əvvəllər ABŞ Sülh İnstitutunun yerləşdiyi binada yaradılması nəzərdən keçirilir.
Aparılan daxili müzakirələr barədə danışan adının çəkilməsini istəməyən rəsmilər mövzunun ciddi müzakirə mövzusu olduğunu bildiriblər. Lakin onlar idarə heyətinin inzibati heyətinin harada yerləşəcəyi ilə bağlı yekun qərarın hələ verilmədiyini vurğulayıblar.
Respublikaçı administrasiyasının ötən il institutun bütün işçilərini işdən çıxarmasından sonra bina məsələsi bu mərkəzin keçmiş işçiləri və rəhbərləri tərəfindən qaldırılan məhkəmə iddiasının mövzusuna çevrilib.
Bina o vaxtdan bəri Donald Tramp adına Amerika Sülh İnstitutu adlandırılıb. Lakin adı və statusu hüquqi olaraq qeyri-müəyyənlikdə qalır.
