Qara dəniz üzərindəki hava məkanında Britaniya Kral Hərbi Hava Qüvvələrinə və ABŞ Hərbi Dəniz Qüvvələrinə məxsus iki kəşfiyyat təyyarəsi müşahidə edilib.
AzPost bildirir ki, bu barədə Flightradar24 uçuş monitorinq xidmətinin məlumatında deyilir.
Qara dəniz səmasında Boeing RC-135W Rivet Joint strateji kəşfiyyat təyyarəsi və Boeing P-8A Poseidon sualtı qayıq əleyhinə təyyarəsi müşahidə edilib.
Birinci təyyarə Britaniya aviabazasından havaya qalxıb, Qara dəniz üzərindən uçub və Krım yarımadasının yaxınlığından keçib. İkinci ABŞ təyyarəsi isə Novorossiysk yaxınlığındakı ərazi üzərində müşahidə edilib.
