Bu səhər İranın Bəhreynin Əl-Məamir sənaye zonasına endirdiyi zərbə nəticəsində böyük yanğın baş verdiyini bildirir.
Azpost.info bildirir ki, bu barədə Bəhreyn Xəbər Agentliyi (BNA) məlumat verib.
İlkin məlumatlara görə, zərbə Yaxın Şərqin ən böyük neft emalı zavodlarından biri olan Bapco Energies (əvvəllər Bahrain Petroleum Company) şirkətinə məxsus infrastrukturu hədəfə alıb.
Bəhreyn mediası həmçinin Sitra ada şəhərinə dron hücumu barədə məlumat verib. Zərərin miqyası barədə məlumat verilməyib, lakin Sitrada neft və hazır məhsullar üçün geniş saxlama çənləri, böyük duzsuzlaşdırma zavodu, elektrik stansiyası, alüminium əritmə zavodu (bölgədəki ən böyük zavodlardan biri) və neft-kimya istehsal müəssisələri yerləşir.
Ada ABŞ Hərbi Dəniz Qüvvələri tərəfindən gəmilərin yanacaq doldurulması və logistika məqsədləri üçün istifadə olunur.
BNA-nın Bəhreyn Səhiyyə Nazirliyinə istinadən verdiyi məlumata görə, Sitraya edilən hücum nəticəsində:
32 nəfər yaralanıb. Təcili əməliyyata ehtiyacı olan uşaqlar da daxil olmaqla, dörd nəfərin vəziyyəti ağırdır.
17 yaşlı qız baş və göz xəsarətləri alıb. 7 və 8 yaşlı uşaqlar aşağı ətraflardan ciddi xəsarətlər alıblar. Qurbanların ən kiçiyi cəmi iki aylıqdır.
Ölkədəki bütün tibb müəssisələri yüksək hazırlıq vəziyyətinə gətirilib.
