ABŞ prezidenti Donald Tramp Hörmüz boğazı gəmiçilik üçün bağlı qalsa belə, ABŞ-ın İrana qarşı hərbi əməliyyatına son qoymaq niyyətində olduğunu müşavirlərinə bildirib.
Azpost.info bildirir ki, bu barədə The Wall Street Journal (WSJ) nəşri etibarlı mənbələrə istinadən məlumat verib.
“Tramp köməkçilərinə Hörmüz boğazı bağlı qalsa belə, ABŞ-ın İrana qarşı hərbi kampaniyasına son qoymağa hazır olduğunu bildirib“- deyə nəşr qeyd edib.
Qeyd olunur ki, ABŞ rəsmiləri Hörmüz boğazından naviqasiyanı bərpa etmək cəhdlərinin İrana qarşı altı həftəlik əməliyyatın cədvəlini poza biləcəyi qənaətinə gəliblər. Nəşrin məlumatına görə, ABŞ prezidenti əsas məqsədlərə – İran dəniz qüvvələrini yatırmağa və onların raket ehtiyatlarını məhv etməyə – və sonra hərbi əməliyyatlara son qoymağa və diplomatik səylər vasitəsilə gəmiçiliyin bərpasına diqqət yetirməyə qərar verib.
