Dietoloq və nutrizioloq Sofya Kovanova sağlamlığı qorumaq üçün mağazadan peçenye alarkən diqqət yetirilməli olan əsas məqamları açıqlayıb.
AzPost bildirir ki, Ekspertin sözlərinə görə, məhsulun keyfiyyətinin ən mühüm göstəricisi onun tərkibi və saxlama müddətidir. Bildirilir ki, təmiz və təbii tərkibli peçenyelərin saxlama müddəti iki həftədən artıq olmamalıdır.
Seçim zamanı nələrə diqqət etməli?
-
Emulqatorlar və qatılaşdırıcılar: Əgər etiketin üzərində çox sayda qatılaşdırıcı və emulqator qeyd olunubsa, bu, məhsulun ucuz və keyfiyyətsiz xammaldan hazırlandığını göstərir. Belə məhsullardan qaçmaq tövsiyə olunur.
-
Pəhriz variantları: Çörəkçiklər (xlebtsı) və qaletlər daha az zərərli hesab olunsa da, yüksək kalorili olduqları üçün onlardan da normadan artıq istifadə etmək məsləhət görülmür.
-
Uşaq qidalanması: Dietoloq uşaqların rasionunda peçenye miqdarının ciddi şəkildə məhdudlaşdırılmasını və hər gün çay yanında bu növ qidaların qəbul edilməməsini vurğulayıb.
Kovanova qeyd edib ki, ucuz qənnadı məmulatları çox vaxt zərərli qida əlavələri ilə zəngin olur, bu isə artıq çəki ilə yanaşı, maddələr mübadiləsinin pozulmasına da yol açır. Sağlamlığı qorumaq üçün peçenye alarkən keyfiyyətə qənaət etməmək önəmlidir.
