Ağ Evin xüsusi elçisi Stiv Vitkoff və Donald Trampın kürəkəni Cared Kuşner bu həftə sonu İran xarici işlər naziri Abbas Əraqçi ilə danışıqlarda iştirak etmək üçün Pakistana səfər edəcəklər.
Azpost.info bildirir ki, bu barədə CNN administrasiyanın iki rəsmisinə istinadən məlumat verir.
Xəbərdə deyilir ki, vitse-prezident JD Vens hazırda iştirak etməyi planlaşdırmır, çünki İran Parlamentinin spikeri Məhəmməd-Baqer Qalibaf da görüşdə olmayacaq.
Rəsmilərin sözlərinə görə, danışıqlar irəliləyərsə, Vens İslamabada səfər etmək üçün hazır vəziyyətində olacaq. onun işçi heyətinin üzvləri Pakistanda olacaq və danışıqlarda iştirak edəcəklər.
Mənbələr əvvəllər Iran International-a bildiriblər ki, Qalibaf fikir ayrılıqları səbəbindən İran danışıqlar qrupundan istefa verib.
