Böyük Britaniyanın Baş naziri Kir Starmer ABŞ Prezidenti Donald Tramp ilə telefon danışığı aparıb.
AZƏRTAC Dauninq Stritə istinadla xəbər verir ki, Baş nazir Ağ Ev Müxbirləri Assosiasiyasının şam yeməyi zamanı baş verən insidentlə bağlı Prezident və birinci xanımın təhlükəsiz olmasından məmnunluğunu ifadə edib, hadisə zamanı yaralanan polis əməkdaşının isə tezliklə sağalmasını arzulayıb.
Telefon danışığı zamanı tərəflər Yaxın Şərqdəki vəziyyəti də müzakirə ediblər. Liderlər Hörmüz boğazı vasitəsilə gəmiçiliyin bərpasının vacibliyini vurğulayıblar. Qeyd olunub ki, bu marşrutun fəaliyyətinin pozulması qlobal iqtisadiyyat və həm Böyük Britaniyada, həm də dünya üzrə yaşayış xərcləri üçün ciddi nəticələr doğura bilər.
