2026-cı ilin yanvar-mart aylarında Azərbaycana idxal olunan pərakəndə satış üçün qablaşdırılmış uşaq yeməklərinin ən bahalıları Avstriya mənşəli məhsullar olub.
Azpost.info Valyuta.az -a istinadən xəbər verir ki, hesabat dövründə Rusiyadan 198,32 ton həcmində uşaq yeməyi idxal olunub. İdxalın ümumi dəyəri 2 milyon 162 min 740 dollar təşkil edib. Beləliklə, bu ölkədən gətirilən məhsulun 1 kilosunun orta qiyməti 10,91 dollar və ya təxminən 18,54 manat olub.
Niderlanddan idxal edilən 68,25 ton məhsul üçün 952 min dollar ödənilib. Bu isə 1 kilo üçün orta hesabla 13,95 dollar və ya 23,71 manat deməkdir.
İrlandiyadan gətirilən 25,67 ton uşaq yeməyinin dəyəri 568 min 800 dollar olub. Hesablamalara əsasən, bu məhsulların 1 kilosu orta hesabla 22,16 dollar və ya 37,67 manata başa gəlib.
Eyni dövrdə Almaniyadan 18,58 ton məhsul idxal olunub və buna görə 330 min 590 dollar ödənilib. Nəticədə 1 kilo məhsulun qiyməti orta hesabla 17,79 dollar və ya 30,25 manat təşkil edib.
Ən yüksək kilo qiyməti isə Avstriya məhsullarında qeydə alınıb. Belə ki, 7,27 ton məhsul üçün 218 min 370 dollar ödənilib. Bu da 1 kilo üçün orta hesabla 30,04 dollar və ya 51,06 manat edir.
İsveçrədan idxal edilən 22,92 ton məhsulun ümumi dəyəri 214 min 560 dollar olub. Orta kilo qiyməti isə 9,36 dollar və ya 15,91 manat hesablanıb.
İlk yeddilikdə yer alan Ukraynadan isə 29,99 ton həcmində məhsul idxal olunub. Bunun üçün 196 min 900 dollar ödənilib. Beləliklə, Ukrayna məhsullarının 1 kilosu orta hesabla 6,57 dollar və ya 11,16 manata başa gəlib.
