Milli Məclisin sabiq deputatı Cahangir Hüseyn Əfşar Türkiyədə vəfat edib.
O, ötən gün İstanbulda dünyasını dəyişib.
Bildirilib ki, 73 yaşlı Cahangir Hüseyn Əfşar səhhətindəki problemlə əlaqədar Türkiyəyə aparılıbmış.
Mərhumun nəşi bu gün səhər saatlarında Bakıya gətirilib.
Qeyd edək ki, C.H.Əfşar Milli Məclisin ikinci çağırış deputatı olub. (Qafqazinfo)
O, 1996–1997-ci illərdə Bakı şəhəri Binəqədi rayonunda istintaq şöbəsinin rəisi, 1997–2000-ci illərdə Sabirabad rayon polis şöbəsinin rəisi işləyib.
C.Hüseynov 1991-ci ilin mart ayında 139 saylı seçki dairəsindən Azərbaycan Respublikasının Ali Sovetinə deputat seçilib.
1990-cı ildə Heydər Əliyev Moskvadan Bakıya gələndə qarşılayanlardan biri də Cahangir Hüseynov olub. Cahangir Hüseynov Ali Sovetin 1993-cü il 14 may tarixli fövqəladə sessiyada isə Heydər Əliyevin namizədliyini Ali Sovetin sədri vəzifəsinə təklif edib.
Polis rəisliyindən istefa verdikdəb sonra YAP-ın yaradıcılarından biri olub. 2000-ci ildə 83 saylı Saatlı Sabirabad seçki dairəsindən Azərbaycan Respublikasının Milli Məclisinin üzvü seçilib. Milli Məclisdə Hüquq siyasəti və dövlət quruculuğu məsələləri daimi komissiyasının sədr müavini və Hesablama komissiyasının üzvü olub.
