Yeni araşdırmaya görə, gec yatmaq insanın psixi və fiziki sağlamlığına ciddi təsir göstərə bilər.
Azpost.info bildirir ki, Böyük Britaniya alimlərinin apardığı tədqiqat göstərib ki, gec yatmağa vərdiş edən insanlarda depressiya və narahatlıq halları daha çox müşahidə olunur.
Araşdırmada minlərlə insanın yuxu rejimi və gündəlik davranışları təhlil edilib. Məlum olub ki, gecə 01:00-dan sonra yatan şəxslərdə stress hormonlarının səviyyəsi yüksəlir və beyin daha az dincəlir.
Mütəxəssislər bildirirlər ki, xüsusilə telefon və planşet ekranlarına uzun müddət baxmaq yuxu keyfiyyətini aşağı salır. Həkimlər yatmazdan ən azı bir saat əvvəl elektron cihazlardan uzaq durmağı məsləhət görürlər.
Onların sözlərinə görə, düzgün yuxu rejimi immun sistemini gücləndirir, ürək xəstəlikləri riskini azaldır və insanın emosional vəziyyətinə müsbət təsir edir.
