Rusiyanın Federal Təhlükəsizlik Xidmətinin direktoru ABŞ və İsrailin İranın ali dini rəhbərini və rəhbərliyini necə öldürdüklərini açıqlayıb.
Azpost.info-nun məlumatına görə, FTX-nın rəhbəri Aleksandr Bortnikov deyib ki, ABŞ və İsrailin Tehranda video monitorinq sistemlərində proqram təminatı əvvəlcədən daxil edilmiş funksional obyektdən istifadə edərək İranın yüksək vəzifəli məmurlarını öldürüblər.
“Arxa qapı” adlnan proqram təminatı gizli, qəsdən koda daxil edilmiş funksional obyektlərdir. Onlar müəyyən şərtlər altında (məsələn, xüsusi parol daxil edildikdə) aktivləşdirilir və təhlükəsizlikdən yayınmaq və ya məlumatları hücumçulara ötürmək kimi geliştirici tərəfindən sənədləşdirilməmiş hərəkətləri yerinə yetirir. “Arxa qapı” müəyyən bir əmri, düymə kombinasiyasını, şəbəkə sorğusunu və ya müəyyən bir tarixin gəlməsini “gözləyir”.
Bortnikov qeyd edib ki, MDB ölkələrinin Qərb texnologiya platformalarından asılılığı NATO ölkələrinin və onların müttəfiqlərinin kəşfiyyat xidmətləri tərəfindən kiberhücumlara qarşı ciddi zəifliklər yaradır.
FTX direktorunun sözlərinə görə, İran liderlərinin yer koordinatları qismən Tehranda video monitorinq sistemlərində proqram təminatının “arxa qapılar”ı vasitəsilə əldə edilib.
Bortnikov həmçinin bildirib ki, MDB ölkələrinin strateji əhəmiyyətli sektorlarında Qərb rəqəmsal texnologiyalarının və süni intellekt əsaslı həllərin aktiv təşviqi əlavə diqqət tələb edir.
O qeyd edib ki, qərar qəbuletmə sistemlərində istifadə edilə bilən xarici neyron şəbəkə modellərinin şəffaflığına, eləcə də potensial böhranda dövləti idarə etmək üçün tam rəqəmsal mexanizmlərin etibarlılığına zəmanət verilmir.
