Alimlər qısa müddətli fiziki aktivliyin insan sağlamlığına təsirini araşdırıblar.
Azpost.info bildirir ki, nəticələr göstərib ki, gündə cəmi 10 dəqiqə sürətli yerimək belə ürək-damar xəstəlikləri riskini azalda və ümumi sağlamlığı yaxşılaşdıra bilər.
Araşdırmaya görə, qısa gəzintilər qan dövranını sürətləndirir, stress hormonlarının səviyyəsini azaldır və beyinə daha çox oksigen çatdırır. Bu isə insanın özünü daha enerjili hiss etməsinə kömək edir.
Mütəxəssislər bildirirlər ki, bir çox insan sağlam həyat tərzi üçün saatlarla idman etməyin vacib olduğunu düşünür. Lakin son nəticələr göstərir ki, hətta qısa müddətli aktivlik də faydalı ola bilər.
Alimlərin fikrincə, nahar fasiləsində və ya işdən sonra edilən qısa gəzinti qan təzyiqinin normallaşmasına, yuxu keyfiyyətinin yaxşılaşmasına və artıq çəkinin qarşısının alınmasına kömək edə bilər.
Həkimlər xüsusilə oturaq həyat tərzi keçirən insanlara hər gün ən azı 10-15 dəqiqə aktiv hərəkət etməyi tövsiyə edirlər.
