İstanbulda təhsildən kənarda qalan azərbaycanlı uşaqlara dəstək layihəsinə başlanılıb
“Maarifçi Qadınlar” İctimai Birliyi Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin maliyyə dəstəyi ilə “Türkiyənin İstanbul şəhərində yaşayan və müxtəlif səbəblərdən təhsildən kənarda qalan məktəbyaşlı uşaqların təhsilə cəlb edilməsi” layihəsinin icrasına başlayıb.
Layihənin məqsədi İstanbulda yaşayan azərbaycanlı ailələri maarifləndirmək, təhsildən kənarda qalan məktəbyaşlı uşaqları müəyyənləşdirmək və onların təhsil müəssisələrinə yönləndirilməsinə dəstək göstərməkdir. Layihə çərçivəsində valideynlər və ictimaiyyət nümayəndələri üçün maarifləndirici seminarların keçirilməsi, uşaqların təhsilə cəlb olunması istiqamətində əməkdaşlığın gücləndirilməsi nəzərdə tutulur.
