Madridin “Real” klubunun sabiq baş məşqçisi Zinəddin Zidan Fransa milli komandasının yeni baş məşqçisi təyin edilib.
Azpost.info xəbər verir ki, bu barədə jurnalist Fabrizio Romano sosial şəbəkə hesabında məlumat yayıb.
Məlumata görə, fransalı mütəxəssis milli komanda ilə uzunmüddətli müqavilə imzalayıb.
Zidan bu vəzifədə 2012-ci ildən Fransa yığmasını çalışdıran Didye Deşamı əvəz edəcək. Deşamın rəhbərliyi altında Fransa millisi 2018-ci ildə dünya çempionu olub.
Daha əvvəl yayılan məlumatlara görə, Zinəddin Zidan sentyabrın 1-dən etibarən Fransa millisində işə başlayacaq.
Onun baş məşqçi kimi ilk rəsmi oyunları UEFA Millətlər Liqası çərçivəsində keçiriləcək. Fransa yığması sentyabrın 25-də Türkiyə, sentyabrın 28-də Belçika, oktyabrın 2-də isə İtaliya millisi ilə qarşılaşacaq.
