Türkiyənin Cümhuriyyət Xalq Partiyasında (CHP) “mütləq etibarsızlıq” qərarından sonra başqanlıq vəzifəsindən ayrılan Özgür Özəl partiyasının son qrup iclasında çıxış edib.
Özgür Özəl çıxışında partiya daxilində birlik və həmrəyliyin vacibliyini vurğulayıb. O, yaşanan prosesin demokratiya və hüquq prinsipləri çərçivəsində qiymətləndirilməsinin önəmli olduğunu bildirib.
Çıxışını “Vaxtı çatmış bir vida” sözləri ilə yekunlaşdıran Özəl qrup iclasında duyğulu anlar yaşadıb.
Çıxışdan sonra partiya üzvləri Özgür Özəli uzun sürən alqışlarla yola salıblar.
CHP-də baş verən rəhbərlik dəyişikliyi və Özgür Özəlin partiyadan ayrılması diqqətləri onun növbəti siyasi addımlarına yönəldib.
Türkiyə mediasının məlumatına görə, Özgür Özəlin yaxın vaxtlarda izləyəcəyi siyasi yol xəritəsinin və yaradacağı yeni siyasi təşkilatlanmanın konturlarının dəqiqləşəcəyi gözlənilir.
