Yeni araşdırmaya görə, 2005–2024-cü illərdə dəniz buzlarının sahəsinin azalmasının nisbətən yavaşlaması müvəqqəti xarakter daşıyıb. Alimlər hesab edirlər ki, yaxın illərdə buzların əriməsi yenidən kəskin sürətlənəcək.
Bu barədə The Guardian nəşri məlumat yayıb.
Tədqiqatın nəticələrinə əsasən, hazırda qış mövsümündə dəniz buzlarının sahəsi üzrə tarixdə qeydə alınan ən böyük illik azalma müşahidə olunur.
Alimlərin sözlərinə görə, qarşıdakı 5–10 il ərzində Arktikada buzların ərimə sürəti təxminən iki dəfə artacaq.
Mütəxəssislər bildirirlər ki, bu proses iqlim dəyişikliyinin daha da sürətlənməsinə, dəniz səviyyəsinin yüksəlməsinə və qlobal hava şəraitinə ciddi təsir göstərə bilər.
