Çin Xalq Respublikasının Sədri Si Cinpinin ABŞ-a səfəri sentyabrın 24-də başlayacaq.
Bu barədə ABŞ Prezidenti Donald Tramp Vaşinqtonda keçirilən tədbirdə çıxışı zamanı məlumat verib.
“Prezident Si (Çin Xalq Respublikasının Sədri Si Cinpin) sentyabrın 24-də gəlir”, – deyə Tramp bildirib.
Vaşinqton 2026-cı ilin payızında Çin liderinin ABŞ-a cavab səfərinin baş tutacağını gözləyir.
Xatırladaq ki, Donald Tramp mayın 14-15-də Pekində səfərdə olub. ABŞ dövlət katibi Marko Rubio iyunun əvvəlində bəyan edib ki, Amerika prezidentinin Çinə səfəri konkret nəticələr baxımından məhdud olub. Onun sözlərinə görə, may səfərinin əsas məqsədi “dünyanın ən güclü iki ölkəsinin liderləri arasında birbaşa dialoqu təmin etmək” idi.
