“Çıraq” Uşaq və Yeniyetmələrə Dəstək ictimai birliyi 1 may tarixindən Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin maliyyə dəstəyi ilə “Əqli gerilik və davranış pozuntularından əziyyət çəkən uşaqlara psixoloji dəstəyin göstərilməsi” adlı layihənin icrasına başlamışdı.
Layihənin məqsədi əqli gerilik və davranış pozuntuları müşahidə olunan uşaqlara psixoloji dəstəyin göstərilməsi idi.
Təlimlərin ilkin qiymətləndirmə mərhələsində 15 uşaq fərdi qaydada psixoloji qiymətləndirmədən keçirilib.
Qiymətləndirmə zamanı hər bir uşağın koqnitiv, emosional, davranış, nitq, sosial, ünsiyyət, diqqət, yaddaş, qavrama, təfəkkür, motor və özünəqulluq bacarıqları müşahidə və müxtəlif psixoloji tapşırıqlar vasitəsilə dəyərləndirilib.
Əldə olunan nəticələr əsasında hər bir uşaq üçün fərdi korreksiya planı hazırlanmış və inkişaf ehtiyacları müəyyən edilib.
Qiymətləndirmənin nəticələrinə əsasən uşaqlarla aşağıdakı istiqamətlər üzrə fərdi və qrup şəklində korreksiya məşğələləri keçirilib:
1. Diqqətin inkişafı
2. Yaddaşın inkişafı
3. Qavrama və idrak bacarıqları
4. Təfəkkürün inkişafı
5. Nitq və unsiyyət bacarıqları
6. Emosiyaların tanınması və idarə olunması
7. Sosial bacarıqların inkişafı
8. Xırda motorika və əl bacarıqları
9. Özünəqulluq bacarıqları
10. Özünəinam və motivasiyanın artırılması
Təlimlər başa çatdıqdan sonra uşaqlar yenidən psixoloji qiymətləndirmədən keçirilib.
Təkrar qiymətləndirmə nəticəsində uşaqların əksəriyyətində diqqət, yaddaş, qavrama, nitq, sosial ünsiyyət, emosional tənzimləmə, motor və özünəqulluq bacarıqlarında müsbət dinamika və inkişaf müşahidə edilib.
Təlimlərin sonunda uşaqların valideynləri ilə görüş keçirilib, qiymətləndirmə və korreksiya nəticələri ətraflı izah olunub.
Valideynlərə ev şəraitində davam etdirilə biləcək inkişafetdirici fəaliyyətlər, davranışın düzgün idarə olunması, ünsiyyətin artırılması, müntəzəm psixoloji dəstəyin davam etdirilməsi, təlim prosesində əməkdaşlıq və gündəlik məşqlərin tətbiqi barədə ətraflı tövsiyələr verilib.
Fotolar
