Ermənistanın Baş naziri Nikol Paşinyan Rusiya Prezidenti Vladimir Putin tərəfindən rəsmi şəkildə təbrik edilməməsinə münasibət bildirib.
AZPOST xəbər verir ki, Paşinyan bu barədə iyulun 29-da jurnalistlərlə söhbəti zamanı danışıb.
Moskvadan rəsmi təbrik mesajının gəlməməsini şərh edən baş nazir bunun Putinin şəxsi qərarı olduğunu deyib. “Rusiya Prezidenti məni təbrik etmədi. Niyə? Çünki istəmədi”, – deyə Paşinyan bildirib.
Bununla yanaşı, Ermənistan hökumətinin başçısı diqqətçəkən sual da səsləndirib: “Bu halda sual yaranır: o, ümumiyyətlə kimlə danışırdı?”
Paşinyan açıqlamasında məsələ ilə bağlı əlavə təfərrüat verməyib.
Qeyd edək ki, son aylarda Rusiya ilə Ermənistan arasında siyasi və iqtisadi münasibətlərdə gərginlik müşahidə olunur. Paşinyan daha əvvəl də Moskvanın siyasətini tənqid etmiş, Avrasiya İqtisadi İttifaqının fəaliyyətinin faktiki olaraq iflic vəziyyətində olduğunu bildirmişdi.
