Azərbaycanda pul bazasının həcmi avqustun 31-nə 24,2 milyard manat təşkil edib.
“APA-Economics” xəbər verir ki, bu barədə Azərbaycan Mərkəzi Bankının məlumatında bildirilib.
Məlumata görə, ilin əvvəlindən ölkədə pul bazası 1,8 milyard manat və ya 7,9 faiz artıb.
Avqust ayında da pul bazasında artım qeydə alınıb. Ay ərzində göstərici 296 milyon manat və ya 1,2 faiz yüksəlib.
Ötən ilin eyni dövrü ilə müqayisədə isə pul bazası 3,1 milyard manat, yaxud 14,8 faiz artıb.
