ABŞ Mərkəzi Kəşfiyyat İdarəsinin (MKİ) direktoru Con Retkliff Ukraynadakı münaqişənin nizamlanması üzrə danışıqlar prosesinin bütün aspektlərində iştirak edir.
Bu barədə ABŞ Prezidenti Donald Tramp İrlandiyadan ABŞ-a uçarkən “Air Force One” təyyarəsinin göyərtəsində jurnalistlərə açıqlamasında bildirib.
MKİ direktorunun danışıqlara mümkün cəlb olunması ilə bağlı suala cavab verən Tramp onun fəaliyyətini yüksək qiymətləndirib: “Onun işi çox yaxşıdır”.
Ağ Ev rəhbəri əlavə edib ki, Retkliff danışıqlar prosesinin bütün istiqamətlərində iştirak edir.
Tramp həmçinin ABŞ-ın xüsusi nümayəndəsi Stiven Uitkoffun və kürəkəni Cared Kuşnerin danışıqlarda Vaşinqtonu təmsil etməsini müsbət qiymətləndirib.
ABŞ Prezidenti onların da öz vəzifələrini “çox yaxşı” yerinə yetirdiklərini bildirib.
