Yardımlı Rayon İcra Hakimiyyətində əməliyyat keçirilib.
Baş prokuror yanında Korrupsiyaya qarşı Mübarizə Baş İdarəsinin bu ilin aprel ayında keçirdiyi əməliyyat nəticəsində Yardımlı Rayon İcra Hakimiyyətinin Sosial-iqtisadi inkişafın təhlili və proqnozlaşdırılması şöbəsinin müdir müavini Elçin Mirzəyev və baş məsləhətçi Yaşar Eyvazov saxlanılıb.
Məhkəmənin qərarı ilə onların barəsində həbs qətimkan tədbiri seçilib.
Baş Prokurorluğun Mətbuat xidməti faktı APA-ya təsdiqləyib.
Qeyd edək ki, hadisə barədə ilk olaraq “ölkə.az” məlumat yayıb.
Yardımlının icra başçısı vəzifəsindən azad edildi
Bu gün Prezident İlham Əliyevin imzaladığı sərəncamla Ayaz Nəriman oğlu Əsgərov Yardımlı Rayon İcra Hakimiyyətinin başçısı vəzifəsindən azad edilib.
Hazırda icra hakimiyyətində keçirilmiş əməliyyatla icra başçısının vəzifədən azad edilməsi arasında hər hansı əlaqə barədə rəsmi məlumat açıqlanmayıb.
