Azərbaycanda polis əməkdaşları noyabrın 10-da cinayət törətməkdə şübhəli bilinən 37 nəfəri saxlayıb.
Bu barədə Daxili İşlər Nazirliyinin (DİN) Mətbuat Xidmətindən məlumat verilib.
Bildirilib ki, ölkə ərazisində qeydə alınan 29, əvvəlki dövrlərdən bağlı qalan 5 cinayətin açılması təmin edilib.
Axtarışda olduğuna görə ümumilikdə 35 nəfər saxlanılaraq aidiyyəti üzrə təhvil verilib. Onlardan 19-u borclu şəxs qismində axtarışda olan şəxslərdir.
Bundan başqa, narkotiklərlə əlaqəli 7 fakt, qanunsuz saxlanılan silah-sursatın götürülməsi və aşkarlanması ilə bağlı isə 2 fakt müəyyən edilib.
DİN-in məlumatına görə, noyabrın 10-da hüquq-mühafizə orqanları tərəfindən cinayətkarlığa qarşı mübarizə istiqamətində əməliyyat tədbirləri davam etdirilib.
