Rusiyanın ABŞ-dakı fövqəladə və səlahiyyətli səfiri Aleksandr Darçiyev noyabrın 11-də 66 yaşında qəfil vəfat edib.
Bu barədə Rusiya Xarici İşlər Nazirliyi məlumat yayıb.
“Rusiya Xarici İşlər Nazirliyinin rəhbərliyi və kollektivi dərin hüznlə bildirir ki, Rusiya Federasiyasının Amerika Birləşmiş Ştatlarındakı fövqəladə və səlahiyyətli səfiri Aleksandr Nikitiç Darçiyev noyabrın 11-də, ömrünün 67-ci ilində qəfil vəfat edib”, – deyə nazirliyin məlumatında bildirilir.
Aleksandr Darçiyev 1992-ci ildən diplomatik xidmətdə çalışıb. Bu müddət ərzində Rusiya Xarici İşlər Nazirliyinin mərkəzi aparatında müxtəlif vəzifələr tutub, həmçinin xaricdə diplomatik fəaliyyət göstərib.
2016-cı ilin fevralında ona fövqəladə və səlahiyyətli səfir diplomatik rütbəsi verilib. Həmin vaxt Darçiyev Rusiyanın Kanadadakı diplomatik nümayəndəliyinə rəhbərlik edirdi. O, bu ölkədə 2014–2020-ci illərdə səfir vəzifəsində çalışıb.
Bu barədə RİA Novosti məlumat yayıb.
