Amerikalı hərbi analitiklər qiyam qaldırmış “Vaqner” lideri Priqojinin uğur qazanacağına inanmırlar.
Azpost.info bildirir ki, bu barədə Amerika Müharibənin Tədqiqi İnstitutunun (ISW) hesabatında deyilir.
Sənəddə bildirilir ki, “Vaqner” özəl hərbi şirkətinin rəhbəri Yevgeni Priqojin Rusiya Müdafiə Nazirliyində rəhbərlik dəyişikliyinə nail olmaq üçün silahlı üsyana qərar verib.
ISW Priqojinin uğur qazana biləcəyinə inanmır. “Görünür, Priqojin Rusiya Müdafiə Nazirliyinin rəhbərliyində dəyişikliyə məcbur etmək üçün silahlı üsyana başlayıb. Çətin ki, bu uğurla başa çatsın” – analitiklər yeni hesabatlarında bildiriblər.
Rusiya Baş Prokurorluğu Priqojinə qarşı silahlı üsyan təşkil etmə faktı ilə bağlı iş açıb. Belə bir cinayətə görə Rusiya Federasiyasında 12 ildən 20 ilədək həbs cəzası nəzərdə tutulur.
Azpost.info
