ABŞ Azərbaycan və Ermənistan XİN başçılarının görüşü barədə məlumat yayıb

ABŞ dövlət katibi Antoni Blinken bu gün Vaşinqtonda keçirilən NATO sammiti çərçivəsində Azərbaycan xarici işlər naziri Ceyhun Bayramov və Ermənistan xarici işlər naziri Ararat Mirzoyanla görüşüb.

Bu barədə ABŞ Dövlət Departamentinin yaydığı məlumatda deyilir. Məlumatda bildirilir ki, görüşdə dövlət katibi dayanıqlı və layiqli sülh sazişi istiqamətində əldə olunmuş irəliləyiş barədə müzakirə aparıb və tərəfləri mümkün qədər tez bir zamanda razılaşdırmanı yekunlaşdırmaq üçün gələcək addımları atmağa həvəsləndirib.

“Dövlət katibi bütün Cənubi Qafqaz regionunun fayda əldə edəcəyi regional bağlantının inkişafında sülhün əldə olunmasının vacibliyini qeyd edib”,- deyə açıqlamada bildirilir.

Əvvəlki məqalə

Ermənistan Qazaxla sərhəddə divar tikir –

Sonrakı məqalə

Niderland və ingilis azarkeşləri dalaşdılar, pivəxananı dağıtdılar –