ABŞ BMT-nin Qəzzada atəşkəslə bağlı qətnamə layihəsini altıncı dəfə bloklayıb.
AzPost bildirir ki, təşkilatın saytında verilən məlumata görə, sənədi 14 ölkə dəstəkləyib, yalnız ABŞ buna qarşı çıxıb.
Layihədə Qəzzada qeyd-şərtsiz və daimi atəşkəs, girovların dərhal azad edilməsi və İsrailin bölgəyə humanitar yardım göstərməsinə qoyduğu məhdudiyyətlərin aradan qaldırılmasına çağrılır.
ABŞ-ın BMT-dəki nümayəndəsi Morqan Ortaqus izah edib ki, qətnamə layihəsində HƏMAS-ın (ABŞ və AB tərəfindən terror təşkilatı kimi tanınan) hərəkətləri pislənmir və İsrailin özünümüdafiə hüququndan bəhs edilmir. O, həmçinin qeyd edib ki, sənəd səhv olaraq HƏMAS-ı dəstəkləyən yalan rəvayətləri qanuniləşdirir.
