ABŞ Prezidenti Donald Tramp bəyan edib ki, Vaşinqton “Boeing” şirkətinə ixrac nəzarəti tətbiq edə və Çinə təyyarə hissələrinin tədarükünü məhdudlaşdıra bilər.
Bu barədə “Reuters” məlumat yayıb.
Amerika liderinin sözlərinə görə, bu addım Pekinin ABŞ sənayesi üçün vacib olan nadir torpaq metallarının ixracını məhdudlaşdırmaq qərarına cavab kimi atıla bilər.
Tramp Ağ Evdə jurnalistlərin sualına cavab verərkən bildirib:
“Bizim çox imkanlarımız var, o cümlədən ən vacibi – təyyarələr. Çində çoxlu sayda ‘Boeing’ var və onların hissələrə, eləcə də bir çox başqa şeylərə ehtiyacı var”.
