ABŞ-da koronavirus qurbanlarının sayı artıb.
Bu barədə “Report” xarici mətbuata istinadən xəbər verir.
Bildirilir ki, Birləşmiş Ştatlarda koronavirusdan ölənlərin sayı 100 mini ötüb. Son məlumatlara görə, COVID-19-dan ölüm hallarının sayı 101 173 təşkil edir.
Bütün pandemiya ərzində ABŞ-da koronavirusa ümumi yoluxma sayı 1,7 milyonu ötüb. Xatırladaq ki, daha əvvəl də ABŞ prezidenti Donald Tramp ölkədə 100 min nəfərin koronavirusdan öləcəyini proqnozlaşdırmışdı.
Koronavirus infeksiyası ötən ilin dekabrında Çinin Uhan şəhərində yayılmağa başlayıb. Hazırda virus 213 ölkə və bölgədə qeydə alınıb.
